Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Me shpatë në dorë, Schwarzenegger krahason Trump-in me Hitler-in

Nga A2 CNN
11 Janar 2021, 13:35 | Bota
Me shpatë në dorë, Schwarzenegger krahason Trump-in me Hitler-in

Aktori i famshëm dhe ish-guvernatori i Kalifornisë, Arnold Schwarzenegger, krahasoi presidentin Donald Trump me Adolf Hitler-in, në një videomesazh të publikuar në rrjetet e tij sociale, duke mbajtur në një moment në dorë edhe shpatën e “Conan”, një prej roleve të luajtur prej tij.

Duke bërë thirrje për bashkim, pas ngjarjeve të shëmtuara në godinën e Kongresit amerikan, Schwarzenegger e quajti Trump-in presidentin më të keq të të historisë së Amerikës.

“Unë jam rritur në Austri dhe e mbaj mend mirë Kristallnacht-in, natën e xhamave të thyer. Ishte një natë tërbimi kundër hebrenjve në vitin 1938, nga grupi nazist ekuivalent me “Proud Boys”. E mërkura ishte dita e xhamave të thyer mu këtu në SHBA”, tha Schwarzenegger. “Turma nuk shpartalloi vetëm xhamat e Kapitolit, por edhe ide që ne i merrnim si të mirëqena. Parimet mbi të cilat shteti ynë është themeluar”.

Aktori rrëfeu për herë të parë se babai e kishte dhunuar kur ishte i vogël, për shkak se dehej disa herë në javë nga ndjenja e fajit që kishte për bashkëpunimin me nazistët, si shumë fqinj të tjerë të tij.

“Presidenti Trump kërkoi të përmbyste rezultatin e zgjedhjeve, të ndershme. Ai nxiti një grusht shteti duke i mashtruar njerëzit me gënjeshtra. Edhe im atë e fqinjët tanë u mashtruan dhe unë e di se ku të çojnë këto mashtrime. Presidenti Trump është një udhëheqës i dështuar, do të futet në histori si presidenti më i keq. Por, gjëja e mirë është se shumë shpejt, ai do të jetë po aq i parëndësishëm, sa një postim i vjetër në Twitter”.

A2 CNN Livestream

Ditari nga Denisa Pasholli