Ndërpriten reshjet, Shkodra zona më e prekur nga përmbytjet, problem rrëshqitjet e dherave në disa akse

Moti i keq çahet rruga në aksin Kukës Krumë Shkodra zona më e prekur nga përmbytjet 1100x620

Ashtu edhe siç pritej, me ndalimin e reshjeve të shiut, është përmirësuar ndjeshëm situata me përmbytjet në të gjitha qarqet e vendit.

Sipërfaqja e zonave të përmbytura është ulur ndjeshëm, megjithëse vihen re problematika të vogla në disa akse rrugore për shkak të rrëshqitjes së dherave.

Qarku më i prekur vijon të jetë Shkodra, ku aktualisht, sipas raportimeve nga bashkia, sipërfaqja nën ujë është rreth 1903 ha.

Rruga e Obotit prej ditësh vijon të jetë e bllokuar, ndërkohë që jashtë funksionit është dhe ujësjellësi Oblika 1. Në këto zona ka nisur shpërndarja e ndihmave dhe furnizimi me ujë i banorëve të izoluar.

Për shkak të rritjes së nivelit të ujit është bllokuar segmenti në vendin e quajtur Urrelat që lidh fshatrat Shirq me Darragjat. Gjithashtu, vazhdon gërryerja e tokës bujqësore nga lumi Drin në vendin e quajtur Mali i Vukatanit.

Ka rritje të nivelit të ujit nga Liqeni i Shkodrës, në zonën e Livadeve dhe Dobraç.

Në qarkun e Kukësit, po ashtu janë ndërprerë reshjet. Pothuajse të gjitha akset nacionale dhe rurale janë të kalueshme.

Probleme ka në aksin Kukës-Krumë, ku firma kontraktore po vijon me pastrimin e inerteve dhe zhbllokimin e tombinove. Gjithashtu, ka shembje dhe në aksin rrugor, Dushaj-Lekbibaj.

Furnizimi me energji elektrike në përgjithësi është normal në të gjithë qarkun Kukës përveç njësisë administative Bushtricë, Grykë-Çajë, Ujmisht,  Shishtavec, Topojan, Zapod të bashkisë Kukës dhe fshatrat Dragobi e  Valbonës, njësia administrative Margegaj, bashkia Tropjë.

Në qarkun e Elbasanit ka pasur probleme vetëm në dy akse rrugore; në atë Elbasan-Qafë Thanë në Pishkash dhe aksin Elbasan-Gjinar në Derstile. Në këto dy akse kanë shkuar kompanitë kontraktore dhe po punojnë për pastrimin e karrexhatës.

Lumenjtë ditën e sotme kanë pasur prurje më të vogël se ditën e djeshme, pra nën nivelin mesatar, por gjithsesi janë nën monitorim.

  • LAJMI I FUNDIT | Nis në A2 emisioni më i ri “Absolut 4”
  • LAJMI I FUNDIT | Të ftuar në “Absolut 4” sekretari i PD, Bardhi dhe ai i PS, Balla
  • LAJMI I FUNDIT | Taulant Balla: BE duhet të ishte treguar më solidarë për vaksinën
  • LAJMI I FUNDIT | Krasniqi: Shqipëria i vetmi vend në Europë ku opozita dorëzon mandatet
  • LAJMI I FUNDIT | Krasniqi: Të gjitha pushtetet janë grumbulluar në grupe familjare
  • LAJMI I FUNDIT | Krasniqi: Shqipëria nuk ka opozitë në të gjithë kuptimin e fjalës
  • LAJMI I FUNDIT | Lutfi Dervishi: Ne nuk kemi kontrollin dhe balancimin e pushteteve
  • LAJMI I FUNDIT | PS, Balla: Venecia e ka cilësuar si një gabim lënien e mandateve nga PD