Rregullatori europian e shqyrton, Oksford dhe AstraZeneca kërkojnë aprovimin e vaksinës

vaksina oksford astra 1100x620

Agjencia Europiane e Barnave po shqyrton kërkesën për aprovimin e vaksinës anti-covid të zhvilluar nga AstraZeneca dhe universiteti i Oksfordit. Vendimi pritet brenda 29 janarit pas verifikimit të efektshmërisë dhe sigurisë.

Bëhet fjalë për vaksinën e tretë që mund të marrë dritën jeshile pas asaj të Modernës dhe Pfizer/Biontech. Vaksina e Oksford dhe AstraZeneca është aprovuar për përdorim nga disa shtete të botës, përfshirë Britaninë e Madhe, Indinë dhe Argjentinën.

Lidhur me kërkesën e tyre për aprovim nga rregullatori i BE-së reagoi dhe presidentja e Komisionit Europian, Ursula von der Leyen, që e konsideroi atë një lajm shumë të mirë.

“EMA do të vlerësojë sigurinë dhe efektshmërinë e vaksinës”, thekson ajo duke shtuar se pas aprovimit, miliona doza do të shpërndahen në të gjithë Europën.