Vdes në moshën 87-vjeçare manjati i kazinove dhe kontribuesi politik Sheldon Adelson

manjati 1100x620

Manjati miliarder i kazinove Sheldon Adelson, ka vdekur në moshën 87-vjeçare. Bizneset e lojërave të fatit dhe hoteleve e kthyen atë në një ndërmjetës të madh politik në SHBA dhe Izrael.

Themeluesi i kompanisë së kazinove në Las Vegas Sands, Z. Adelson ishte i njohur për mbështetjen e tij ndaj kauzave konservatore dhe të Izraelit.

Ai ishte një mbështetës i rëndësishëm i presidentit të SHBA Donald Trump dhe kryeministrit Izraelit Benjamin Netanyahu.

Në një deklaratë, ish-presidenti i SHBA George W Bush shprehu ngushëlliemt për vdekjen e tij.

“Ai ishte një patriot amerikan, një dashamirës bujar i çështjeve të bamirësisë dhe një mbështetës i fortë i Izraelit,” tha Bush. “Ai do t’ju mungojë të gjithëve, por më shumë familjes së tij të dashur.

Kryeministri izraelit Benjamin Netanyahu tha se  Adelson dhe gruaja e tij e dytë e lindur në Izrael Miriam “kontribuan pafund në forcimin e popullit hebre dhe shtetit hebre”.

“Ai ishte një mik i mrekullueshëm për ne dhe një kampion i pabesueshëm i popullit hebre, shtetit hebre dhe aleancës midis Izraelit dhe Amerikës,” tha ai.

Adelson u rrit në Boston, ishte djali i emigrantëve hebrenj, babai i të cilit punonte si shofer taksi.

Ai filloi të punojë në moshë të re, duke shitur gazeta në cepat e rrugëve kur ishte adoleshent.

Një braktisës kolegji, i cili themeloi dhjetëra biznese, ai nisi karrierën për të cilën u bë i njohur si organizatori i një konference të suksesshme të biznesit kompjuterik në vitet 1970.

Duke kërkuar më shumë hapësirë ​​për të pritur vizitorët, ai hyri në biznesin e mikpritjes, duke blerë hotelin Sands.

Ai ndërtoi komplekse luksoze në Las Vegas, Singapor dhe Macau që me vdekjen e tij renditet në mesin e 30 njerëzve më të pasur në botë, me një vlerë neto prej më shumë se 30 miliardë dollarësh.