Papa Françesku vaksinohet kundër koronavirusit

papa 1100x620

Papa Françesku ka marrë dozën e parë të vaksinës kundër Covid-19. Lajmi u bë me dije nga zëdhënësi i Vatikanit, Matteo Bruni.

Në një deklaratë për shtyp, Bruni konfirmoi që brenda programit të vaksinave të Vatikanit, doza e parë e vaksinës Covid-19 është bërë te Papa Françesku.

Selia e Shenjtë ka pasur vetëm 27 raste të konfirmuara me koronavirus, sipas Universitetit Johns Hopkins.

Papa 84-vjeçar përdori mesazhin e tij të fundit të Krishtlindjes për të thënë se vaksinat e koronavirusit duhet të jenë në dispozicion për të gjithë, edhe për vendet e varfra.