U kërkoi të vinin maskat, dy të rinj rrahin barbarisht shefin e stacionit të metrosë në Athinë

Shefi i një stacioni metroje në Athinë është sulmuar brutalisht nga dy të rinj, vetëm sepse u kërkoi atyre të vendosnin maskën.

Në pamjet që qarkullojnë në mediat greke duket momenti kur punonjësi qëllohet me shkelma dhe grushta, ndërsa ai qëndron i shtrirë. Ngjarja është filmuar nga një kalimtare, ndërsa kamerat e sigurisë kanë fiksuar momentin dhe policia është shprehur se arrestimi i tyre është çështje kohe.

Sulmi ndodhi gjatë rrugës nga Anthoupolis për në Omonia, kur punonjësi u kërkoi dy pasagjerëve që të vendosnin maskat. Dy të rinjtë fillimisht e fyen dhe e kërcënuan përgjegjësin e stacionit Stasy dhe sapo zbritën në Omonia, ata e ndoqën dhe e sulmuan.