Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

"Pasaporta e imunitetit", BE mirëpret propozimin për lëvizjen e lirë të të vaksinuarve

Nga A2 CNN
15 Janar 2021, 14:20 | Bota
"Pasaporta e imunitetit", BE mirëpret propozimin për

Një certifikatë europiane për t’u mundësuar personave të vaksinuar që të udhëtojnë lirisht. Presidentja e Komisionit Europian, Ursula von der Leyen, mirëpret propozimin për një “pasaportë imuniteti” të lëshuar nga kryeministri grek, Kyriakos Mitsotakis.

“Mendoj se është e rëndësishme. Siç e kam thënë, duhet të kemi një vërtetim mjekësor që tregon se personat janë vaksinuar”, është shprehur ajo gjatë një takimi me disa media portugeze.

Leyen shton se “ky është një vendim politik dhe juridik, i cili duhet të diskutohet në nivel europian”.

Propozimi që Bashkimi Europian të rinisë udhëtimet transkufitare të ngrira nga pandemia u lëshua disa ditë më parë nga kryeministri grek. Kërkesa e tij vjen para sezonit veror, teksa turizmi mban një peshë të madhe të ekonomisë së shtetit helen.

Por, “Pasaporta e Imunitetit”, që vërteton se një person është vaksinuar ndaj koronavirusit, do të përdoret edhe për lëvizjen brenda vendeve anëtare të BE-së me të gjitha mjetet e transportit. Mitsotakis thotë se kjo do t’i shtyjë më shumë qytetarët që të vaksinohen dhe e cilëson një metodë të dukur për kthimin e normalitetit.

Tema e “pasaportës shëndetësore” po sjell përçarje edhe mes përfaqësuesve kombëtarë të shteteve të botës pranë Organizatës Botërore të Shëndetësisë. Kjo është bërë e ditur nga autoriteteti shëndetësor rus. Media Interfax raporton se diskutimi për njohjen ndërkombëtare të vaksinave anti-covid po merr udhë dhe se OBSH po krijon një platformë për këtë.

A2 CNN Livestream

Debat - nga Alba Alishani