Italia regjistroi 9660 raste të reja me koronavirus në 24 orët e fundit nga 244 mijë tamponë të kryerë në të gjithë vendin.
Sipas buletinit të Ministrisë së Shëndetësisë 499 persona të tjerë nuk ia dolën të fitojnë betejën përballë virusit duke e çuar bilancin total të fataliteteve në 89 344.
Në terapitë intensive aktualisht ndodhen të shtruar 2214 persona, 38 më pak nga një ditë më parë. Rajoni me më shumë raste të reja ditore është ai i Siçilisë.