Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Pagoi prostitutat me para false, 50-vjeçari dënohet me 3 vjet burg

Nga A2 CNN
5 Shkurt 2021, 21:58 | Lifestyle
Pagoi prostitutat me para false, 50-vjeçari dënohet me 3 vjet burg

Një 50-vjeçar në Zvicër është dënuar me 3 vite burg pasi shkoi me prostituta duke i paguar ato me 10 mijë paund false. “Imitimi i kartëmonedhave ishte shumë i dobët, aq sa mund ta kuptonte edhe një person i verbër”, tha gjykatësi në Bazel.

Mashtrimi u zbulua kur njëra nga gratë shkoi për të depozituar paratë në llogarinë e saj bankare. Pasi bankomati refuzoi të merrte kartëmonedhat, gruaja, 39 vjeçe, denoncoi në polici. Ajo u shpreh në gjykatë se e kishte të vështirë të kuptonte se kartëmonedhat ishin të falsifikuara pasi drita ishte e ulët. Avokatët mbrojtës të 50-vjeçarit u shprehën se gruaja i kishte pranuar me dëshirë paratë edhe pse ishte e qartë se ato ishin të falsifikuara.

Në rastin e dytë, 50-vjeçari pretendon se ai e kishte paguar gruan, e cila më pas i kishte vjedhur paratë e falsifikuara, në vlerën e 8 mijë paundëve.

Pas kontrollit në banesë, policia gjeti të tjera para të falsifikuara. 50-vjeçari u dënua me 3 vjet burg me kusht për mashtrim, falsifikim dhe qarkullim të parave të falsifikuara.

Prostitucioni në Zvicër është i ligjshëm, ku shtëpitë publike janë të licencuara, kryesisht në Zyrih.

A2 CNN Livestream

Debat - nga Alba Alishani