Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Tentoi të vriste policin një vit më parë në Dibër, arrestohet në Tiranë 39-vjeçari

Nga A2 CNN
7 Shkurt 2021, 09:50 | Kronikë
Tentoi të vriste policin një vit më parë në Dibër,

Ka rënë në prangat e policisë një 39-vjeçar i cili ishte shpallur në kërkim për tentativë vrasje ndaj një punonjësi policie një vit më parë. Sipas policisë i kërkuari me iniciale A. Sh. U arrestua në Allias në kryeqytet, ndërsa akuzohet se më 09 janar 2020, në vendin e quajtur “Kryqëzimi i Prefekturës”,  në Peshkopi, pas një konflikti të çastit ka goditur 5 herë me mjet prerës thikë punonjësin e Policisë B. Z, 56 vjeç, banues në Dibër, i cili ndodhej jashtë shërbimit në atë moment.

Ndaj tij  Gjykata e Rrethit Dibër, ka caktuar masën e sigurisë "Arrest me burg",  për veprën penale "Vrasje me dashje", e mbetur në tentativë.

Njoftimi i Policisë

Operacioni nga Njësia Speciale FAST ALBANIA, në bashkëpunim me Strukturat Hetimore të Drejtorisë Vendore të Policisë Dibër dhe  Komisariatin e Policisë Nr.4, Tiranë

Kapet në Allias dhe vihet në pranga 39-vjeçari, i kërkuar, për "Vrasje me dashje", mbetur në tentativë, të një punonjësi të policisë .

Në vijim të punës për kapjen e personave me rrezikshmëri shoqërore,  nga Njësia Speciale FAST ALBANIA, në bashkëpunim me strukturat e Hetimit të Krimit në Drejtorinë Vendore të Policisë Dibër dhe Komisariatin e Policisë nr.4 Tiranë, në bazë të informacioneve të marra në rrugë operative për vendodhjen e një personi të shpallur në kërkim,  kanë organizuar dhe finalizuar operacionin policor të koduar "Kryqëzimi".

Në kuadër të operacionit, si rezultat i një pune të mirëorganizuar,  në vendin e quajtur "Lagjia Allias" , Tiranë, është bërë lokalizimi, kapja dhe arrestimi i shtetasit të shpallur në kërkim A. Sh (M)., 39 vjeç, banues në Dibër.

Ky shtetas ishte person i shpallur në kërkim, pasi me datë 09 janar 2020, në vendin e quajtur 'Kryqëzimi i Prefekturës',  në qytetin e Peshkopisë, pas një konflikti të çastit ka goditur 5 herë me mjet prerës thikë shtetasin B. Z, 56 vjeç, banues në Dibër (punonjës policie i cili ndodhej jashtë kohës së shërbimit).

Ndaj shtetasit A. Sh(M), Gjykata e Rrethit Dibër, ka caktuar masën e sigurisë "Arrest me burg",  për veprën penale "Vrasje me dashje", e mbetur në tentativë.

Materialet shtesë në ngarkim të 39-vjeçarit i kaluan Prokurorisë së Rrethit Gjyqësor Dibër për veprime të mëtejshme.

A2 CNN Livestream

Debat - nga Alba Alishani