Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Duke marrë rreze dielli, Ivanka Trump fotografohet për herë të parë pas largimit nga Uashingtoni

Nga A2 CNN
8 Shkurt 2021, 13:22 | Lifestyle

Ivanka Trump, e bija e ish-presidentit amerikan, Donald Trump dhe bashkëshorti i saj, Jared Kushner, janë fotografuar për herë të parë që kur u larguan nga Uashingtoni.

Ish-këshilltarët presidencialë dhe tre fëmijët e tyre kaluan javën e kaluar në lagjen Surfside të Miamit, ku ata kanë marrë me qira një godinë luksoze.

Jared dukej i përqëndruar në celularin e tij, Ivanka shfletonte një libër, ndërsa fëmijët e tyre luanin me njëri-tjetrin.

Javën e kaluar u zbulua se çifti pa të ardhurat e tyre personale të binin më shumë se 20% gjatë vitit të fundit të ish-presidentit Donald Trump në detyrë.

Ata raportuan një rënie prej 36 milionë dollarësh nga një vit më parë, sipas Bloomberg.

Raporti zbulon se Ivanka dhe Jared kanë humbur terren ekonomikisht si rezultat i roleve të tyre të diskutueshme në administratën e Trump gjatë muajve të tij të fundit të trazuar në detyrë. Çifti gjithashtu është ndikuar financiarisht nga pandemia e vazhdueshme e koronavirusit, pasi të dy kanë biznese turizmi dhe hotelerie, sektorë të cilët janë goditur rëndë gjatë 11 muajve të fundit.

A2 CNN Livestream

Dita jonë