Ka vaksinuar mbi 3.4 milionë banorë, Izraeli nis lehtësimin e masave

Koronavirusi ne izrael 1100x620

Ndryshe nga vendet evropiane, Izraeli ka filluar me lehtësimin e masave kundër pandemisë derisa po zhvillon një fushatë të gjerë vaksinimi kundër COVID-19. Parukeritë dhe disa biznese të tjera u hapën nga dje.

Masat e izolimit ishin fuqizuar në muajin dhjetor të vitit 2020, pasi vendi u përball me rritje të numrit të të infektuarve me koronavirus. Vendi iu nënshtrua një taktike të mirëmenaxhuar të vaksinimit ku që prej dhjetorit, më shumë se 3.4 milionë qytetarë kanë marrë dozën e parë të vaksinës.

Një sërë masash mbeten ende në fuqi ndërkohë, derisa numri i vaksinimeve të kalojë masën 50 për qind.