Kundërpërgjigjen Gjermania, Polonia dhe Suedia, dëbojnë diplomatët rusë

min jashtme ruse 1100x620

Gjermania, Suedia dhe Polonia kanë vendosur t’i përgjigjen Moskës dhe të dëbojnë diplomatët rusë pas vendimit të ngjashëm në ditët e fundit nga Kremlini, për të dëbuar përfaqësuesit e tre vendeve evropiane.

Por në një deklaratë për televizionin shtetëror rus, zëdhënësja e ministrisë së Jashtme Maria Zakharova, i konsideroi këto veprime të pabazuar dhe ndërhyrje në punët e brendshme ruse.

“Vendimet e marra sot nga Gjermania, Suedia dhe Polonia janë të pabazuara, jo miqësore dhe nuk janë asgjë më shumë se vazhdimi i një serie veprimesh që Perëndimi po ndërmerr ndaj vendit tonë dhe të cilat ne i kualifikojmë si ndërhyrje në punët tona të brendshme”, tha zëdhënësja e ministrisë së Jashtme, Maria Zakharova.

Kremlini akuzoi tre diplomatët e BE-së për pjesëmarrje në protesta masive në rrugë, në mbështetje të liderit të burgosur të opozitës Alexei Navalny.

Dëbimi i tyre u njoftua, ndërsa shefi i punëve të jashtme të BE Josep Borrell po vizitonte Moskën të premten.