Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Rama sulmon programin e Bashës për pensionet: Gënjeshtër si ajo e tramvajit të Tiranës

Nga A2 CNN
9 Shkurt 2021, 20:31 | Politikë
Rama sulmon programin e Bashës për pensionet: Gënjeshtër si

Rritja e pensioneve është sfida më e madhe pasi pas ata mbahen nga kontributet shoqërore dhe pas daljes nga komunizmi një skemë e tillë nuk ekzistonte por mbulohen nga buxheti i shtetit. Kështu u përgjigj kryeministri Rama nga Durrësi, kur u pyet në lidhje me rritjen e pensioneve.

“Rritja e pensioneve është sfida më e vështirë dhe se pensionistët janë pjesa më e goditur në këtë periudhë tranzicioni. Mbajtja e pensioneve vjen nga kontributet dhe sigurimet shoqërore. Dhe vende që dolën nga komunizmi, pensionet janë një super barrë pasi nuk ka sisteme që janë gjetur aty, por janë sisteme që pensionet janë mbuluar nga buxheti i shtetit dhe në kushtet kur me pensionistët u bë politikë dhe u premtuan rritje dhe nuk u mbajtën se nuk mbahen dot faktikisht dhe kjo problematikë erdhi duke u rënduar. Kur flasim për të paguar pensione, duhet të jemi të vërtetë dhe të drejtpërdrejt me njerëzit ne bëmë reformën e pensioneve. Një mësues që del ne pension pas reformës tonë e ka pension më të lartë se ju, edhe pse ka barë të njëjtën punë si ju. Reforma jonë duhet të ishte bërë 20 e kusur vite më parë”.

Duke shigjetuar premtimet e Bashës për rritje 5% të pensioneve Rama tha se kjo është një gënjeshtër si ajo e tramvajit të Tiranës.

“Vjen dikush dhe thotë do të rris 5% çdo vit dhe do të ul sigurimet. E bën këtë merr lekët e taksave dhe rritur deficitin e sigurimeve. Pjesa që ne kompensojmë taksat e mban shtetin në këmbë. Mund t’i gënjesh njerëzit si i gënjeu më para, tha futi lekët se i ke të pastra por i la me këmbë përpjetë. Do të mësojmë si Sudja. A ka ndodhur që të ulësh prodhimin e qumështit dhe të rrisësh atë të djathit. Të them unë tani të marr votën dhe them 10%. Ka dy rrugë, ose të gënjej dhe të bëhesh si tramvaji i Tiranës që s’u bë kurrë”.

Rama theksoi se reforma e pensioneve e kryer nga socialistët nga PS ka bërë të mundur që sot pensionistët të marrin pension më të lartë.

“Në kushtet kur me pensionistët u bë politikë, u premtua rritje, rritje, sepse nuk mbahet ashtu siç u bë, kjo problematikë erdhi duke u rënduar. Kur flasim për të paguar pensione duhet të jemi shumë të drejtpërdrejtë, unë mendoj se e vërteta është detyrim i çdo njeriu që dëshiron të marrë besimin e njerëzve për të votuar. E vërteta është kjo, nuk paguhen dot pensionet jashtë balancës me shoqërinë e sigurimeve sepse bie shteti komplet. Nuk paguhen pensionet duke marrë borxhe. Nuk ka familje që merr borxhe pa mundësitë e tjera sepse mbet pa bukë. Ajo që ne kemi bërë, është që ne bëmë reformën e pensioneve e cila çfarë ka sjellë, një mësues që del në pension e ka atë më shumë se ju. Reforma jonë duhet të ishte bërë 20 e kusur vite para, jo sa ky sot sepse ky ka paguar më shumë sigurime. Për këtë arsye ne sot kemi pensione të mira dhe shumë më të mira se sa pensioni që mbetën në duart e atyre, politikave, qeverive, që i trallisnin me përralla. Pensioni më i madh në Shqipëri ishte 230 mijë lekë. Sot ka pensione më të larta, si rezultat i kontributeve. Rritja e pensioneve ka qenë indeksimi i vazhdueshëm plus kontributi modest”.

A2 CNN Livestream

Debat - nga Alba Alishani