Të hënën, ambasadorja amerikane, Yuri Kim, risolli në vëmendje bllokimin e hyrjes në SHBA të Tom Doshit, vendosur nga Departamenti i Shtetit, në vitin 2018. Ajo u shpreh në një postim në Twitter se votuesit shqiptarë meritojnë më mirë se kaq.
Për këtë rast, por jo vetëm, u pyet në A2 Ervin Bushati, kryetar i PS, Tiranë. Ai u shpreh se në të gjitha vendet e botës ka një dëshirë që politika të pastrohet, të mos ketë problematika, ku solli edhe rastin e Amerikës.
“Raste ka edhe në Amerikë. Për herë të parë u sulmua Capitol Hill. Edhe demokracia më e vjetër në botë e pa që nuk ishte imune ndaj këtyre fenomeneve. Më rezulton që në Shqipëri, si ky rast, nuk mendoj se ne nuk kemi pasur, me gjithë protestat e dhunshme të opozitës. Shpresoj që opozita të jetë më e qetë dhe të pranojë rezultatin e 25 prillit”, u shpreh Bushati.