640 vite vetëm me djem, kolegji do të pranojë për herë të parë vajza

Kolegji Winchester, një nga shkollat private më të vjetra dhe më prestigjioze të Britanisë, do të hapë dyert për vajzat, për herë të parë në historinë e tij 640-vjeçare. Nxënëset e para femra do të nisin mësimin në shtator të vitit 2022.

Drejtuesit e kolegjit thanë se lëvizja ishte pjesë e një vizioni të ri dhe programi të rëndësishëm për ndryshimi.

Kjo do të thotë se tani ka vetëm tri shkolla të mesme në Mbretërinë e Bashkuar, Eton, Harrow dhe Radley College, të cilat ende pranojnë në ambientet e saj vetëm djem, pavarësisht thirrjeve të vazhdueshme për ndryshimin e politikave.

Një vit në kolegjin e themeluar në vitin 1382 në Hampshire kushton 41 709 paund në vit. Drejtuesit e saj thanë se shkolla kishte nxjerrë shumë udhëheqës dhe shpresonte të vazhdonte traditën dhe për shumë dekada të tjera.