Në mes të një pandemie dhe temperatush që arrijnë deri në -14 gradë celsius, qindra të pastrehë britanikë presin radhën për të marrë ushqim.
Fotografitë e shpërndara në internet dhe të bëra në Glasgow tregojnë radhët e gjata të njerëzve në mes të stuhisë së dëborës.
Autoritetet paralajmërojnë që gjërat do të përkeqësohen edhe më shumë pasi numri i personave që regjistrohen për ushqim falas nga komuniteti, po rritet brenda ditës.
Konkretisht, numri i njerëzve që marrin ushqim falas është dyfishuar që nga fillimi i pandemisë.