Zjarri përfshin qendrën e vaksinimit, evakuohen personat në radhë

Një qendër vaksinimi kundër koronavirusit në Surrey të Britanisë së Madhe është përfshirë nga zjarri duke detyruar personat që ishin në radhë, duke pritur të merrnin vaksinën, të evakuohen me shpejtësi.

Shkaqet e zjarrit në këtë qendër janë ende të paqarta, ndërkohë që raportohet se fatmirësisht nuk ka pasur asnjë person të lënduar.

Zyrtarët e shëndetit publik në Surrey sigurojnë qytetarët se vaksinimi do të fillojë shumë shpejt dhe se dozat që ndodheshin në këtë qendër u nxorën pa u dëmtuar.