Komisioni Qendror i Zgjedhjeve (KQZ), ka numëruar rreth 99% të votave nga 2336 vendvotime. Sipas zëdhënësit të KQZ-së, Valmir Elezi, kanë mbetur pa u procesuar vetëm edhe 46 vendvotime.
Deri tani, Vetëvendosje kryeson me 48,17%. Pas saj është Partia Demokratike e Kosovës (PDK) me 17,35%. Ndërsa partia e tretë është Lidhja Demokratike e Kosovës ( LDK) me 13,18%. Kurse Aleanca për Ardhmërinë e Kosovës (AAK) ka marrë 7,42% dhe Nisma 2,59%.
Këto janë rezultatet preliminare e të cilat nuk përfshijnë votat me kusht, votat me postë edhe votat e personave me nevoja te veçanta.