Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Tregtia Shqipëri-Kosovë, potenciali i madh, por i pashfrytëzuar

Nga A2 CNN
16 Shkurt 2021, 15:30 | Ekonomi
Tregtia Shqipëri-Kosovë, potenciali i madh, por i pashfrytëzuar

Shkëmbimet tregtare midis Shqipërisë dhe Kosovës pësuan rënie gjatë vitit të kaluar për shkak të pandemisë. Teksa importet e mallrave që vijnë në drejtim të Shqipërisë u rritën në 8,3 miliardë lekë, nga 7,7 miliardë në 2019-n, ishin eksportet shqiptare ato që ranë në 26,2 miliardë lekë, mbi 3,5 miliardë lekë më pak. Edhe pse në letër, Kosova mbetet partneri i dytë kryesor i vendit, sipas ekspertit për ekonominë Ilir Ciko, tregtia mes dy vendeve lë shumë për të dëshiruar në raport me potencialin e madh që ofron.

“Për fat të keq, struktura e eksporteve drejt Kosovës mbetet jashtëzakonisht e varfër”, thotë Ciko. “Rreth 60% e eksporteve të Shqipërisë drejt Kosovës përbëhen nga elemente bazë, si mineralet, materialet e ndërtimit, produktet e naftës dhe shumë pak, për të mos thënë aspak kënaqshëm, jo vetëm krahasuar me atë që eksportojmë drejt vendeve të tjera të rajonit apo botës, por për atë që ne do të donim të kishim si shkëmbime tregtare reale mes Shqipërisë dhe Kosovës”.

https://a2news.com/video/ekonomia-kosove-shqiperi-trau-ne-kufi-ende-i-ndan-dy-shtete-shqiptare/

Sipas Cikos, kjo strukturë shkëmbimesh nuk pritet të përmirësohet dukshëm as përgjatë këtij viti. Përtej mbledhjeve të përbashkëta të dy qeverive që kanë prodhuar pak, ai rekomandon së pari rritjen e konkurrencës së ndershme në tregjet e të dyja vendeve.

“Nëse sot mund të jepet një këshillë për të parë në mënyrë afatgjatë sesi mundet që Shqipëria dhe Kosova të thellojnë bashkëpunimin, do thosha që kjo nuk mund të vijë më përmes tryezave pa fund të qeverive apo delegacioneve, por në radhë të parë duke hapur tregun e brendshëm, duke bërë të mundur që të kemi konkurrencë të lirë dhe nxitje të zhvillimit të biznesit dhe investimeve të huaja”, thotë Ciko.

Eksperti sheh me shqetësimin edhe një ftohje të marrëdhënieve politike Shqipëri-Kosovë, diçka që ndikon negativisht edhe në klimën e bashkëpunimit ekonomik.

https://a2news.com/video/ekonomia-e-kosoves-programi-fitues-jetesor-per-ringritjen-nga-kriza/

A2 CNN Livestream

Ditari nga Denisa Pasholli