Njeriu më i pasur në planet, Jeff Bezos rimerr titullin pas 6 javësh

143946294 913441c8 402f 4a10 b0be 65b93bb26387 600x338

Jeff Bezos rimerr titullin e njeriut më të pasur në botë, duke i dhënë fund “mbretërimit” të Elon Musk që zgjati për 6 javë.

Sipas Indeksit të Miliarderëve të Bloomberg, themeluesi i Amazon ka një pasuri që vlerësohet 191 miliardë dollarë në krahasim me 190 miliardë që ka drejtuesi i Tesla.

Në vend të tretë të kësaj liste renditet Bill Gates me 137 miliardë dollarë, i ndjekur nga Bernard Arnault me 116 miliardë dhe Mark Zuckerberg me 104 miliardë.

“Rivali” kryesor Musk ka humbur terren në ditët e fundit, ku aksionet e tij kanë pësuar rënie në tregjet financiare, duke i dhënë mundësinë Bezos të rikthehet në krye të listës së më të pasurve të cilën e kryeson që prej vitit 2017.