BE dyfishon në 1 miliard euro financimin e vaksinave të COVAX

KR COVAX DESHTIMI frame 788 1100x620

Komisioni Ekzekutiv i Bashkimit Evropian planifikon të dyfishojë kontributin e tij në programin COVAX të Organizatës Botërore të Shëndetësisë, duke sjellë angazhimin e bllokut 27-vendësh për nismën për të shpërndarë vaksinat në vendet e varfra në 1 miliard euro.

Sipas një zyrtari të BE-së, i cili foli në mënyrë anonime, Presidentja e Komisionit Evropian, Ursula Von der Leyen, do ta bëjë njoftimin të premten vonë gjatë një takimi të drejtuesve të Grupit të Shtatë fuqive ekonomike.

Zyrtari nuk ishte i autorizuar të fliste publikisht, sepse detajet nuk janë bërë publike.

Von der Leyen do të njoftojë gjithashtu 100 milionë euro shtesë për të mbështetur fushatat e vaksinimit në Afrikë në partneritet me Qendrat Afrikane për Kontrollin dhe Parandalimin e Sëmundjeve.

BE është një nga donatorët kryesorë të programit COVAX, i cili synon të sigurojë qasje të barabartë të COVID-19 për vendet me të ardhura të ulëta dhe të mesme. Por deri më tani, programi ka dështuar për të filluar vaksinimin në vendet e varfra, pasi dozat u shpërndanë në vendet e pasura.