Meta: Covid-19 thelloi pabarazinë dhe u shfrytëzua pabesisht për cenimin e të drejtave të njeriut

meta presidence 24 shkurt 1100x620

Presidenti Ilir Meta ka reaguar sërish për situatën e pandemisë në vend. Në një reagim në rrjetet sociale kreu i shtetit thekson se COVID-19 jo vetëm i thelloi pabarazitë në vend, por u shfrytëzua pabesisht edhe për shkeljen dhe cenimin e të drejtave të qytetarëve që nuk kishin asnjë lidhje me pandeminë. Dhe këtu sjell në vëmendje shembjen e Teatrit Kombëtar.

“COVID-19 jo vetëm i thelloi pabarazitë në vend, por u shfrytëzua pabesisht edhe për shkeljen dhe cenimin e të drejtave të qytetarëve për motive, që nuk kishin asnjë lidhje me pandeminë. Përpjekjet e Qeverisë për të shkatërruar demokracinë dhe kapur institucionet e pavarura nuk u kursyen as gjatë kësaj kohe, duke kulmuar me dhunë policore shproporcionale ndaj qytetarëve, shembjen kriminale të Teatrit Kombëtar dhe miratimin e të tjera koncensioneve dhe akteve antikushtetuese, që cenojnë interesin publik e kombëtar”.

Bashkangjitur postimit të Mteës ëhstë edhe mesazhi i Komisioneres për të Drejtat e Njeriut, Dunja Mijatoviç, ku thuhet se ky duhet të jetë viti për t’i thënë ndal shkeljes së të drejtave të njeriut. Sipas tij me referendumit e 25 prillit qytetarët shqiptarë kanë mundësinë të ndahen nga kjo epokë

“Duke e përshëndetur mesazhin e Komisioneres për të Drejtat e Njeriut, Dunja Mijatoviç bashkëndaj të njëjtin qëndrim se ky duhet të jetë viti për t’i thënë NDAL shkeljes së të drejtave të njeriut.

Me referendumin historik të 25 prillit, qytetarët shqiptarë kanë mundësinë të ndahen nga kjo epokë e errët e dhunimit të demokracisë dhe degradimit të shtetit ligjor. Pranvera shqiptare po vjen!”- përfundon Meta.

  • LAJMI I FUNDIT | Kavajë, plagosje me armë zjarri brenda zyrës elektorale të PD-së
  • LAJMI I FUNDIT | Kavajë, Lulzim Basha po i drejtohet zyrës elektorale ku ndodhi ngjarja
  • LAJMI I FUNDIT | I plagosuri, Bledi Oshtuni