Probleme me motorin, një tjetër avion Boeing 777 bën ulje të detyruar

3E75786A 9F7D 4638 BC1B 22B1E6995BDB 1100x620

Një avion Boeing 777 i kompanisë “Rossiya Air” bëri një ulje të detyruar në aeroportin e Moskës pas disa problemeve që pilotët konstatuan në një nga motorët e tij.

Lajmi u dha nga kompania e cila bën me dije se avioni kargo ishte nisur nga Hong-Kongu dhe kishte destinacion Madridin në Spanjë.

Javët e fundit, avionët e Boeing kanë qenë në qendër të vëmendjes për shkak të problemeve të shfaqura shpesh në motorët e modelit 777.

Administrata Federale e Aviacionit ka vendosur një gjobë 6.6 milionë ndaj kompanisë ndërtuese të avionëve për motive që lidhen me sigurinë e mjeteve të saj të transportit ajror. Sipas FAA, Boeing ka ushtruar presion ndaj inspektorëve në një impiant në Karolinën e Jugut për çështjen e kontrollit të avionëve Boeing 787 ”Dreamliner” në shkurt të vitit 2020.

Vetëm disa ditë më parë, industria aeronautike amerikane vendosi të pezullojë përkohësisht fluturimet e 128 avionëve Boeing 777 me motorë “Pratt & Whitney PW4000-112” pasi një incident i rëndë u regjistrua në Kolorado, ku një avion i këtij tipi bëri ulje të detyruar për shkak të zjarrit që përfshiu motorin.