Policia zbulon mjetin e vjedhur gjatë kontrollit rutinë

auto policia naten aksident 933x4451551987267 600x338
Foto ilustruese

Policia rrugore ka zbuluar një automjet të vjedhur gjatë kontrollit për parandalimin e aksidenteve rrugore, ndërsa arrestoi edhe autorin. Mjeti tip “Toyota”, me drejtues 34-vjeçarin me iniciale F. S., u zbulua në aksin Fushë Krujë-Thumanë, ku pas kontrollit rezultoi se ishte vjedhur dhe pronari i mjetit me iniciale D. P. kishte bërë kallëzim për vjedhje.

Njoftim i Policisë Durrës

Shërbimet e Policisë Rrugore në DVP Durrës, në vijim të punës për parandalimin e aksidenteve rrugore dhe ndëshkimin e atyre drejtuesve që drejtojnë mjetin në mënyrë të parregullt por dhe parandalimin dhe goditjen e paligjshmërisë, kanë ndaluar në aksin rrugor Fushë Krujë-Thumanë, një mjet tip “Toyota”, me drejtues shtetasin F. S., për kontroll dokumentacioni.

Pas verifikimeve rezultoi se ky mjet ishte vjedhur rreth orëve të para të mëngjesit në një pikë shitje të automjeteve në Shijak, në pronësi të shtetasit D. P., i cili kishte bërë kallëzim për mjetin e vjedhur.

Në vijim të veprimeve nga specialistët për Hetimin e Krimeve në Komisariatin e Policisë Durrës, u arrestua në flagrancë shtetasi G. S., 34 vjeç, banues në Tiranë, për veprën penale “Vjedhja”.

Materialet i kaluan Prokurorisë së Rrethit Gjyqësor Durrës, për veprime të mëtejshme.