Shtyhet me 24 orë dërgesa e Pfizer, mbi 15 mijë dozat e vaksinës mbërrijnë të martën

Vaksina pfizer mberrin ne shqiperi a2 cnn 4 1100x620

Ministria e Shëndetësisë dhe Mbrojtjes Sociale informon se 15,210 dozat e vaksinave të kompanisë Pfizer do të mbërrijnë ditën e martë në Shqipëri, duke e shtyrë dërgesën me 24 orë.

“Sapo kemi marrë njoftim nga kompania dhe autoriteti përgjegjës për transportin e sigurt të vaksinës, se sasia e vaksinave Pfizer, e konfirmuar për të mbërritur mbrëmjen e sotme, shtyhet me 24 orë.

Ministria e Shëndetësisë dhe Mbrojtjes Sociale do t’ju mbajë të informuar për çdo zhvillim lidhur me mbërritjen e vaksinave në vendin tonë. Ndërkohë informohen qytetarët se procesi i vaksinimeve po vijon sipas planit ne qendrat e vaksinimit te përqendruar, me vaksinimin e personelit shëndetësor dhe grupmoshën +80 vjeç, sipas fashave të përcaktuara”, thuhet në njoftimin e Ministrisë së Shëndetësisë.