Shumica e rusëve nuk e duan vaksinën Sputnik V dhe mendojnë se Covid-19 është krijuar artificialisht

8a6b2cca 6540 40f8 8fc2 4bf550ed0a29 1100x620

Më shumë se 60% e rusëve thanë që nuk janë të gatshëm të marrin vaksinën Sputnik V kundër koronavirusit dhe afërsisht e njëjta përqindje besojnë se Covid-19 është krijuar artificialisht. Këto janë përfundimet e nxjerra nga një anketë e publikuar të hënën nga kompania “Levada-Center”.

Sipas rezultatit të sondazhit, të kryer në shkurt 2020, 62% e rusëve të anketuar thanë se nuk e duan vaksinën. Vetëm 30% thanë se do ta merrnin, shifër kjo në rënie, pasi në dhjetor ishte 38%.

Arsyet kryesore për këtë refuzim ishin efektet anësore (37%) dhe vendimi për të pritur deri në përfundimin e plotë të testimeve (23%). Ndërsa, 16% thanë se nuk ka kuptim të vaksinohen.

Në anketë u përfshirë 1601 njerëz në 50 rajone të Rusisë, përmes intervistimit personal. Një tjetër përfundim ishte se 64% e njerëzve mendojnë se koronavirusi u krijua në mënyrë artificiale si një armë biologjike. Vetëm 23% thanë se besonin që ishte diçka me origjinë natyrale.

  • LAJMI I FUNDIT | Po mbahet mbledhja e Këshillit Kombëtar të Partisë Demokratike
  • LAJMI I FUNDIT | Basha: Aspiratën për ndryshim e mishëron sot vetëm PD, do vazhdojmë të luftojmë
  • LAJMI I FUNDIT | Nishani: Masakra elektorale e vërtetë, por ka qenë edhe dështim i joni