Partia Socialdemokrate ka reaguar pas kërkesës së bërë nga PD në KQZ për përjashtimin e Tom Doshit si kandidat në zgjedhjet e 25 prillit, pasi sipas tyre është subjekt i ligjit të dekriminalizimit.
PSD thekson se jo vetëm Tom Doshi, kryetari i kësaj partie, por të gjithë kandidatët e tjerë për zgjedhjet e 25 prillit janë konform ligjit.
“Duke u nisur nga shpifjet dhe akuzat e pabaza të PD, nga frika e humbjes në zgjedhjet e 25 prillit, sepse Partia Socialdemokrate e Shqipërisë do jetë faktor i rëndësishëm në politikën shqiptare, ju bëjmë me dije se jo vetëm kryetari i PSD-së, z. Tom Doshi, por edhe të gjithë kandidatët në çdo qark të vendit janë konform ligjit! PSD njeh, respekton Kushtetutën e Shqipërisë dhe ligjet shqiptare”, mbyllet reagimi i PSD.