Aktorja proteston lakuriq në ceremoninë e Cesar Awards në Francë

Një aktore franceze protestoi lakuriq në Cesar Awards, i cili u dominua nga kërkesat që qeveria të bëjë më shumë për të mbështetur kulturën gjatë pandemisë së koronavirusit.

57-vjeçarja Corinne Masiero, kishte veshur një kostum gomari me njolla gjaku para se të zhvishej në skenë në ekuivalentin e Oskarëve në Francë.

Kinematë janë mbyllur në Francë për më shumë se tre muaj.

Çmimi më i mirë i filmit në ceremoni iu dha komedisë së errët të Albert Dupontel me “Adieu Les Cons”.

Filmi fitoi shtatë çmime Césars, përfshirë edhe një për regjisorin më të mirë. Ai përshkruan kërkimin e dëshpëruar të një gruaje e sëmurë rëndë, për fëmijën e saj.

Filmi më i mirë i huaj shkoi në Another Round të Danimarkës, me regji të Thomas Vinterberg, i cili tregon një grup miqsh që përpiqen të përmirësojnë jetën e tyre duke mbajtur një nivel të përhershëm të alkoolit në gjakun e tyre.

Masiero ishte i ftuar në ceremoninë e së premtes në distancë shoqërore për të prezantuar çmimin për veshjet më të mira, e cila tronditi të pranishmit në sallën e koncerteve, duke u zhveshur në skenë për të zbuluar mesazhin: “Pa kulturë, pa të ardhme” të shkruar në pjesën e trupit të saj.

Dhe duke iu drejtuar drejtpërdrejt kryeministrit francez Jean Castex, Masiero kishte një parullë tjetër në shpinë e cila lexonte: “Na ktheni artin, Zhan”.

Aktorë dhe regjisorë të tjerë bënë kërkesa të ngjashme gjatë shfaqjes.

“Fëmijët e mi mund të shkojnë në Zara, por jo në kinema, është e pakuptueshme,” tha Stephane Demoustier, ndërsa pranoi një çmim skenari.

Dhjetorin e kaluar, qindra aktorë, regjisorë teatri, muzikantë, teknikë filmash dhe kritikë, dhe shumë të tjerë nga bota e kulturës franceze protestuan në Paris dhe qytete të tjera kundër mbylljes nga qeveria të vendeve të kulturës.