Vrasja e Behar Sofisë, jepet masa për 4 të arrestuarit

Katër personat e arrestuar për ekzekutimin e Behar Sofisë, Ernejt Shyti, Xhuliano Visha, Leonard Xhixha dhe Skënder Vathi, kanë dalë sot para gjykatës për caktimin e masës së sigurisë.

Gjykata la në burg të katër të arrestuarit e akuzuar për vrasjen e biznesmenit. Ernejt Shyti ka thënë se do të flasë një herë tjetër, ndërsa tre të akuzuarit e tjerë e kanë mohuar akuzën.

Sipas prokurorisë, në momentin e largimit nga ngjarja, Ernejt Shyti ka çaluar me njërën këmbë për të ngatërruar ata që do të kqyrnin kamerat e sigurisë.

Një ditë më parë, 24-vjeçari Ernejt Shyti, i dyshuar si ekzekutor i biznesmenit Behar Sofia, ka rrëfyer për hetuesit detajet si u përgatit dhe u zbatua krimi i 25 shkurtit në zemër të kryeqytetit.