Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

A nisi vonë vaksinimi në Shqipëri? Debat në Absolut 4

Nga A2 CNN
16 Mars 2021, 21:47 | Aktualitet
A nisi vonë vaksinimi në Shqipëri? Debat në Absolut 4

“Ne jemi vendi i parë në Europë për bluzat e bardha që kanë humbur jetën nga koronavirusi në bazë të numrit të personelit mjekësor. Nëse vaksinimi do të kishte nisur më herët dhe i fokusuar te personeli mjekësor, situata do të ishte krejtësisht ndryshe”.

Kështu u shpreh në Absolut 4 Gazmend Koduzi, nga departamenti i Shëndetit pranë PD. Ndërkohë, Eugena Tomini, zëvendësministre e Shëndetësisë dhe Skender Brataj, drejtor i Urgjencës Kombëtare e kundërshtuan.

“Bota e filloi më 27 dhjetor dhe as një muaj më vonë, vaksinimi nisi edhe në Shqipëri”, reagoi Brataj. “11 janari nuk ishte aspak vonë”, reagoi Tomini.

Por Koduzi u shpreh se nuk mund të llogaritet si proces i nisur me vetëm 970 doza. “Proces quhet kur ke në depo me qindra mijëra doza. Janë 47 bluza të bardha që kanë humbur jetën nga koronavirusi. Përveçse janë lënë vetëm, ne jemi vendi i parë në Europë”, tha Koduzi.

A2 CNN Livestream

Debat - nga Alba Alishani