Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Koduzi: Edi Rama si Enver Hoxha, ka institucione për sigurimin e vaksinës

Nga A2 CNN
16 Mars 2021, 22:42 | Aktualitet
Koduzi: Edi Rama si Enver Hoxha, ka institucione për sigurimin e

I ashpër ka qenë reagimi kreut të departamentit të Shëndetësisë pranë PD, Gazment Koduzi në lidhje me sjelljen e kryeministrit Edi Rama për çështjen e sigurimit të vaksinës antiCovid.

Sipas Koduzit, në asnjë vend të botës nuk shkon kryeministri në dyert e kompanive për të kërkuar vaksina pasi ka institucione për këto çështje. Ai e krahasoi Edi Ramën me Enver Hoxhën duke thënë se kërkon të krijojë konceptin e unit.

“Ndihem shumë i qetë me atë që thanë dy kolegët që e di Ai (Edi Rama), si para 1990 që e dinte Enver Hoxha, ndërsa tani e di Edi Rama, lypësi i madh. Angazhimi i kryeministrit ka qenë zero. Më thoni një rast kur një kryeministër i vendeve fqinje kanë shkuar dhe kanë kontraktuar me kompanitë. Asnjë. Sepse ka institucione.

Në këtë rast zoti Rama është në rolin e babait të madh dhe ne shqiptarët themi që shyqyr që po robtohet babai për të lypur vaksina për ne. Në çdo vend të botës ka institucione përkatëse që merren me këtë punë. Mos ngatërroni daljen publike me shkuarjen për të bërë pazar në Nju Jork. Shteti ka institucione, nëse të gjitha shkrihen në një atëherë kthehemi tek koncepti i Unit pra tek Enver Hoxha”, tha zyrtari i PD.

A2 CNN Livestream

Dita jonë