8 viktima nga sulmet në 3 qendra masazhi në Atlanta, arrestohet një i dyshuar

Untitled collage 13 1100x620

Tetë persona u vranë dhe një person u plagos në sulmet që ndodhën në 3 qendrat e masazhit në Atalanta. Mediat amerikane raportojnë se policia ka arrestuar personin që dyshohej se ishte autori i tri sulmeve. Ai është 21-vjeçari Robert Long, i cili ndodhet në paraburgim.

“Pamjet në video tregojnë se ka shumë të ngjarë që i njëjti person të jetë përgjegjës për 3 sulmet vdekjeprurëse të martën, në qendrat e masazhit në zonën e metrosë në Atlanta, në Xhorxhia”, tha policia të martën.

Dy nga sulmet ndodhën në dy qendra masazhi në verilindje të Atlantës dhe tjetri ndodhi rreth 30 milje larg në Cherokee County në veriperëndim të qytetit.

Mësohet se mes viktimave janë edhe 6 gra aziatike. Krimet e urrejtjes kundër aziatikëve janë rritur kohët e fundit në Shtetet e Bashkuara.