Rihanna surprizon sërish

Falë Rihannas, Fenty Beauty dhe Fenty Skin janë dy nga markat më të suksesshme të kozmetikës. Por, këngëtarja nuk ka ndërmend të ndalet, pasi do të sjellë një markë e cila i dedikohet gjithçkaje që lidhet me flokët dhe kujdesin ndaj tyre.

Sipas “People”, gjithçka është gati për Fenty Hair, edhe pse marrëveshja nuk është konfirmuar ende zyrtarisht. Ashtu sikurse linjat e kozmetikës, dhe ajo e flokëve do të vi në treg me cilësi të certifikuar dhe konkurrues në çmime.  

Kujtojmë se muajin e shkuar Rihanna mbylli kompaninë me linjën e saj të veshjeve, Fenty, pas disfatave të njëpasnjëshme të brandit, kryesisht për shkak të koronavirusit dhe vështirësive të mbajtjes së një kompanie në distancë, pasi veshjet e Fenty-t prodhohen në Paris dhe Itali.

Marka e Rihannas ishte pjesë e LVMH Moet Hennessy Louis Vuitton, i njohur zakonisht si LVMH, një korporatë shumëkombëshe franceze e specializuar në mallra luksoze.