Sadiku në histori, shqiptari i parë në Copa Libertadores

sadikuuu 1100x620

Transferimi në Bolivinë e largët i befasoi të gjithë. Por, Armando Sadiku hyn në histori, si futbollisti i parë shqiptar që luan në Copa Libertadores.

Sulmuesi debutoi në turneun që është ekuivalent i Champions në Amerikën Latine, në fitoren 5-0 që skuadra e tij, Bolivar regjistroi përballë uruguaianëve të Wanderers, duke siguruar një biletë në fazën finale të kualifikueseve.

Sadiku u aktivizua në minutën e 69-të, ndërsa nuk arriti të shënonte pavarësisht se kishte dy mundësi të mira. Bomberi kuqezi mund të mburret se në karrierë ka luajtur në turnetë më të rëndësishëm: Champions dhe Europa League, e tashmë edhe në Libertadores.