Të shtëna me armë në Shkodër, plagosen dy vëllezër, një prej tyre me masë sigurie

Untitled collage 2021 03 20T202721.489 1100x620

Të shtëna me armë zjarri janë regjistruar mbrëmjen e së shtunës në zonën e Shkodrës.

Sipas policisë, ngjarja ka ndodhur në fshatin Bardhaj të njësisë Rrethina, ndërsa kanë mbetur të plagosur vëllezërit Hoten Doçi e Marjan Doçi, 23 dhe 30 vjeç, të cilët udhëtonin me një makinë.

Një nga të plagosurit ka marrë plagë në krah, ndërsa tjetri në krah dhe ndodhen jashtë rrezikut për jetën. Nga të dhënat mësohet se një nga objektivët e atentatit ishte me masë sigurie arrest shtëpie.

Në vendngjarje kanë shkuar shërbimet e Komisariatit të Policisë Shkodër, forcat Shqiponja dhe ato të Sektorit Kundër Krimeve ndaj Personit në DVP Shkodër.

Në ndihmë të Policisë Vendore kanë shkuar edhe grupe të FNSH Shkodër , me qëllim rrethimin e zonës dhe krehjen e saj për të bërë të mundur kapjen e autorëve.