“Dita e turpit” në Mjanmar, 100 të vrarë gjatë protestave

Janë rreth 100 personat e vrarë vetëm sot, gjatë protestave kundër grushtit të shtetit në Mjanmar.

Ky është bilanci më i përgjakshëm i regjistruar që pas grushtit të shtetit të fillimit të shkurtit, që rrëzoi qeverinë e Aung San Suu Kyi.

Mes viktimave mendohet se ka edhe dy fëmijë: 5 dhe 13 vjeç.

“Është dita e turpit kjo e sotmja”, tha një zëdhënës i CRPH, një grupim kundër juntës.

Një ditë më parë, në televizionin shtetëror, ushtria kishte paralajmëruar protestuesit se mund të goditeshin “kokë dhe shpinë”, nëse krijonin trazira në Ditën e Paradës Ushtarake. Pavarësisht paralajmërimit, mijëra persona zbritën në rrugët e qyteteve kryesore për të protestuar.

Bashkimi Evropian e dënoi ashpër represionin e protestave në Mjanmar, duke e quajtur ditën e sotme si “dita e terrorit dhe pandershmërisë”.

“Vrasja e civilëve të paarmatosur, përfshi fëmijë, është akt i pajustifikueshëm”, tha delegacioni i BE-së në Mjanmar.

  • LAJMI I FUNDIT | Ministria e Shëndetësisë: 1 viktimë në 24 orët e fundit, 39 raste
  • LAJMI I FUNDIT | MSH: 71 pacientë në spitale, 7 në terapi intensive, asnjë në intubim
  • LAJMI I FUNDIT | Ministria e Shëndetësisë: 1 viktimë në 24 orët e fundit, 39 raste