Anglia nuk është kundërshtari më i mirë për të bërë eksperiment, e aq më shumë kur kërkon që të mbrohesh duke sulmuar.
Trajneri Reja nuk ishte shumë i qartë në idetë e tij, ndaj një kundërshtari të fortë fizikisht dhe i kujdesshëm taktikisht. Repartet ishin sërish të ndara nga njëri-tjetri dhe ngarkesa më e madhe mbeti sërish në mbrojtje.
Për t’u evidentuar padyshim ishte Gjimshiti edhe në këtë ndeshje, ndërkohë që edhe Hysaj bëri diferencën me grintën dhe forcën e tij.
Berisha 6 – Edhe pse mori 2 gola, ai ishte gjithnjë në gatishmëri, madje falë ndërhyrjeve të tij numrat nuk ishin edhe më të thellë Hysaj 6.5 – një nga ndeshjet me nivel të lartë. Vrapim, koordinim, dyluftime dhe një asist që Uzuni nuk e ktheu dot në gol Gjimshtiti 6.5 – Një lider i vërtetë dhe një futbollist i nivelit evropian. Loja trup më trup dhe koordinimi me shokët e repartit ishin shumë të mira Bare 5.5 – Gjithnjë energjik, por fakti që kundërshtari na dominoi, ja zbehën grintën dhe dëshirën më të cilën ai shfaqet në lojës. Broja 4.5 – Vetëm pak prekje të mira të topit, të cilat nuk e ndihmuan që të hyjë në veprime. Mbeti i izoluar, nga pozicioni i tij. Cikalleshi 4.5 – Edhe pse ka një fizik prej gjigandi, mbrojtja shtatlartë e Anglisë e eklipsoi dhe jo vetëm fizikisht, por edhe taktikisht, duke e nxjerrë nga loja Laçi 4.5 – Nuk arrin të hyjë në lojë dhe shumë i pasigurt pa pasime, pa forcë në dyluftime Ismajli 4.5 – Me shumë presion dhe emocion që nga momenti i parë. Gabime të dukshme në vendosje dhe shumë pak siguri për të nxjerrë topin Memolla 5 – Një eksperiment që nuk i rrinte mirë skuadrës, ndërkohë që vetëm veprimet fizike mund të shpëtojnë ndeshjen e tij Veseli 5 – Në pjesën e parë ishte shumë i koordinuar, por kundërshtari arriti që ta dominonte në veprime teknike Uzuni 4.5 – Çoi dëm një rast të artë për të shënuar golin e parë të ndeshjes, ndërkohë që në pjesën tjetër të lojës ishin vrapime boshe Reja 4.5 – Trajneri nuk qëlloi me eksperimentet e tij dhe veçanërisht ato në mesfushë, që ashtu si në ndeshjen me Andorrën nuk ishin të goditura. Nuk po gjen ekuilibër taktik, por më së shumti edhe për sa i përket emrave që u ngarkon përgjegjësi.