Itali e Gjermani perfekte, hapa të sigurt drejt Botërorit

italia ne eliminatore boterori 1100x620

Edhe ndaj Bullgarisë, po ashtu si 3 ditë më parë ndaj Irlandës së Veriut, Italia ka arritur të marrë një rezultat të pastër 2-0.

Të kaltrit e drejtuar nga Mancini, nuk i lanë thuajse asnjë shans vendasve bullgarë. Belotti shënoi me penallti në fundin e pjesës së parë, ndërsa në minutën e 83-të, Locatelli realizoi edhe golin e dytë.

Po ashtu, edhe Gjermani mori tre pikët në transfertë ndaj Rumanisë, ku fitoi me vetëm një gol, të cilin e realizoi sulmuesi i Bayern, Gnabri.

Pas dy ndeshjeve të para në grupe, dy kombëtaret, superfuqi në futbollin Europian, kanë hedhur hapa të sigurt drejt kualifikimit në Botërorin e vitit të ardhshëm, i cili pritet të zhvillohet në Katar.