Lewandowski, “makineri” golash, ka realizuar 16 herë në 10 ndeshje radhazi

Përditësuar më: 28/3/2021, ora 22:51
Lewandowski robert poland bayern 1024x569

Lewandowski, “makineri” golash, ka realizuar 16 herë në 10 ndeshje radhazi

Përditësuar më: 28/3/2021, ora 22:51

Bundesliga, Champions apo eliminatore me Kombëtaren, për Robert Lewandowski nuk ka asnjë ndryshim. Ai di vetëm të shënojë.

Ylli polak është një “makineri” golash dhe këtë e ka treguar edhe në dy ndeshjet e fundit me kombëtaren e Polonisë, e cila është edhe kundërshtare e kuqezinjve në grupin e eliminatoreve të botërorit.

32-vjeçari ishte autor i dy golave në fitoren 3-0 të Polonisë me Andorrën, ndërsa realizoi edhe në barazimin 3-3 ndaj Hungarisë.

Lewandowski është me të vërtetë një sulmues i frikshëm për mbrojtësit kundërshtarë, në 10 ndeshjet e fundit, ai ka arritur të gjejë të paktën një herë rrugën e rrjetës, në të cilat në total ka arritur të shënojë 16 gola. Deri në këtë fazë të sezonit, sulmuesi i Bayern ka arritur të shënojë 43 gola në 33 ndeshje.

Ndeshja e parë mes Polonisë dhe Shqipërisë në grup do të zhvillohet më 2 shtator.