Danny Makkelie është personi më pak i pëlqyer në Portugali këto ditë. Mosakordimi i golit të Cristiano Ronaldos ndaj Serbisë, në minutën e fundit të ndeshjes, bëri që ylli i Juventusit të tërbohej dhe të largohej nga fusha duke hedhur në tokë shiritin e kapitenit, pa mbaruar ende takimi.
Në deklarata për “A Bola”, arbitri pranoi gabimin e tij pasi pa përsëritjen e rastit.
“Mund të them vetëm që i kërkova falje trajnerit të përfaqësueses portugeze dhe lojtarëve. Nuk jam i lumtur kur arbitrat marrin vëmendjen në këtë mënyrë”, tha Makkiele.
Në kualifikueset e Botërorit nuk ka VAR dhe teknologji në vijën fatale të portës, duke bërë që vendimi i gabuar i arbitrit të mbetej në fuqi.