Kryeministri italian: Europa do të arrijë imunitetin e tufës në fund të korrikut

draghi 1 1100x620

Kryeministri italian Mario Draghi ka thënë se Europa do të jetë në gjendje të arrijë imunitetin e tufave për në fund të korrikut, bazuar në furnizimin aktual të vaksinave.

“Furnizimet e vaksinave të siguruara nga Komisioni i BE për muajt e ardhshëm duhet të jenë më se të mjaftueshme për të arritur imunitetin në muajin korrik, në të gjithë Europën”, tha Draghi në një deklaratë nga zyra e tij.

Draghi tha po ashtu se numri i vaksinimeve “po përmirësohet shpejt” dhe i kërkoi BE-së të jetë optimist.

“Qëllimet e vendosura për prillin dhe majin, në lidhje me furnizimet e vaksinave dhe numrin e vaksinave, të barabarta me gjysmë milioni të vaksinuar në ditë, nuk duken më aq të largëta,”.

Italia është aktualisht në mes të një bllokimi, pasi qeveria përpiqet të ulë një rritje të rasteve të koronavirusit kryesisht për shkak të pranisë së varianteve të reja.

Masat e paraqitura për të zvogëluar përhapjen e virusit kanë qenë efektive në të gjithë vendin, tha ai. Sipas një dekreti të miratuar nga qeveria italiane, masat filluan në 15 Mars dhe do të jenë efektive deri në 6 Prill. Sipas të dhënave zyrtare, Italia ka vaksinuar 9.5 milionë njerëz.