Zgjedhja e presidentit, LDK: Nuk do të pengojmë procesin, marrim pjesë në votim

Lidhja Demokratike e Kosovës tha se do të marrë pjesë në votimin për presidentin, duke i hapur rrugën zgjedhjes së Vjosa Osmanit.

Pjesëmarrja e LDK-së është vendimtare për procesin, pasi PDK dhe AAK thanë se nuk do ta mbështesin Osmanin.  

“Dje bashkërisht kemi marrë vendim që Lidhja Demokratike e Kosovës nuk do të bëjë obstruksione në zgjedhjen e presidentit të vendit. Si gjithmonë, LDK do të ushtrojë detyrimin e saj kushtetues dhe të marrë pjesë në votim për çështjen e presidentit”, u shpreh Lumir Abdixhiku.