Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Zbulohet pasuria e Dua Lipës, ka pësuar një rritje marramendëse

Nga A2 CNN
2 Prill 2021, 20:20 | Showbiz

Këngëtarja shqiptare me famë ndërkombëtare, Dua Lipa ka një pasuri që arrin thuajse në vlerën e 20 milionë paundve.  

Të dhënat e publikuara në mediat britanike zbulojnë se kompania e saj “Dua Lipa Limited”  ka pasuri prej 18,576,940 për fundvitin e dhjetorit 2019, një rritje mbresëlënëse nga 11,816,318 që ishte vitin e kaluar.

Albumi i Duas, “Future Nostalgia”, i publikuar në një periudhë krejt të pazakontë të diktuar nga pandemia e koronavirusit, rezultoi një sukses i vërtetë dhe theu të gjitha parashikimet.

“Padyshim që isha e frikësuar, sepse gjithmonë ekziston ajo pasiguri. Albumi doli pikërisht kur bllokimi po ndodhte në Mbretërinë e Bashkuar dhe kishte kaq shumë pasiguri dhe vuajtje.”, u shpreh Dua.

Mediat e huaja kanë folur vazhdimisht për këngëtaren shqiptare, duke e konsideruar tranzicionin e saj nga një fëmijë me prindër që emigruan drejt një vendi të huaj, tek një adoleshente e vendosur për tu bërë me plot gojën një yll.

Një yll, suksesi i të cilës iu konvertua në disa çmime Grammy dhe hite muzikore brenda një kohë të shkurtër.

A2 CNN Livestream

Dita jonë