Imzot Angelo Massafra, mesazh nga spitali për Pashkët: Tingulli i këmbanave lajmëron që diçka e re po vjen

massafra 1 1100x620

Imzot Angelo Massafra ka uruar nga spitali, ku ndodhet  besimtarët katolikë për festsën e Pashkëve. Përmes viedo-mesazhit të shpërndarë në media, kryeipeshkvi i Shkodёr-Pultit dhe Presidenti i Konferencës Ipeshkvore Shqiptare, shprehet se Pashkët janë fillimi i një jete të re. Sipas tij, tingulli i këmbanave të kishave i kujton botës se diçka e re po bëhet gati të fillojë.

“Tingulli i natës së këmbanave të të gjitha kishave i bën me dije botës që diçka e re ka ndodhur dhe diçka e re po bëhet gati të fillojë. Janë Pashkët e ringjalljes, aty ku Krishti i ringjallur nga të vdekurit përfaqëson risinë për të gjithë ata që aspirojnë jetën e re. Pashkët, në fakt, nuk janë përfundimi i Kreshmëve, por fillimi i një jete të re, pasi që i kemi rënë mohit të keqes dhe mëkatit të futur në natyrën tonë; mohimi i së cilës Kreshmët kanë qenë një simbol, por edhe një rrugë konkrete. Por cili nga ne mund të thotë më të vërtetë se është i aftë për të bërë, në mënyrë të përsosur, zgjedhje për një ndërrim rrënjësorë? Gjithmonë ndihemi nevojtarë për të filluar nga e para, për të përshkuar shtigje mohimi, shkretëtireje, për të arritur oaze freskuese të cilat japin shpresë për të vazhduar ecjen. Është gjithmonë dora e Zotit që na shtyn për të ecur, për të braktisur siguritë tona që t’i hapemi së resë. Njeriu, në fakt, nuk shëlbohet vetëm: sikur të varej nga ne, do t’u kënaqnim në zakonet tona, në “kështu është bërë gjithmonë”, dhe do të qëndronim në një gjendje vdekjeje të parakohshme, pa shpresë, pa aspirata, por vetëm me ato gjëra që ndodhin përpara syve tanë për të kënaqur nevojat e menjëhershme të mbijetesës”.

Përmes vargjeve biblike, imzot Massafra ka përcjellë mesazhin e shpresës dhe çlirimit të mëkatit.

“Një jetë të lirë nga mëkati sepse është e palëkundshme në dashurinë e “Atij që kurrë nuk bëri mëkat, Hyji për ne e bëri mëkat, në mënyrë që në Të ne të bëhemi drejtësi e Hyjit” (2 Kor 5, 21);”

Në fund të mesazhit të tij imzot Massafra falënderon të gjithë ata që e kanë mbështetur  në këto ditë të vëhstira kua i qëndron në spital prej koronavirusit.

“Dhe në fund, dëshiroj të falënderoj të gjithë, pa dallim: ju më keni mbështetur në këto Kreshme të veçanta për mua. Krishti i Ringjallur ju bekoftë, gjithashtu edhe unë ju bekoj dhe ju kërkoj që të vazhdoni lutjen tuaj për mua dhe për të gjithë të sëmurët. Pashkë të Shenjta”.