44 vite në burg edhe pse i pafajshëm: Jeta ime vlen më shumë se 750 mijë $

Ronnie Long ka qëndruar në një burg të Karolinës së Veriut për 44 vite, për një krim që nuk e kishte kryer. Tani, ai kërkon kompensim për padrejtësinë që i është bërë, dhe kundërshton dëmshpërblimin prej 750 mijë dollarësh që i kanë dhënë.

Long, pjesë e komunitetit afro-amerikan, u akuzua në vitin 1976 për përdhunim dhe grabitje, duke u dënuar me burgim të përjetshëm. Ai asnjëherë nuk e pranoi fajësinë, dhe në vitin 2020 më në fund gjykata pranoi se Long ishte dënuar padrejtësisht.

Sipas ligjeve në fuqi, 65-vjeçari do të duhet të paguhet me 50 mijë dollarë për çdo vit burg që ka bërë. Megjithatë, shuma maksimale që i është akorduar është 750 mijë dollarë, pra për vetëm 15 vite burg. “Shuma është totalisht e papërshtatshme pasi i janë hequr 44 vite nga jeta e tij”, tha një prej avokatëve, Jamie Lau, për CNN. “Ishte u mbyllur kafaz kur i vdiqën të dy prindërit, me siguri që meriton shumë më tepër”.

Long tha për CNN që shpreson të dëmshpërblehet më tepër për faktin se beson që do të vërtetojë se ai është dënuar qëllimisht, edhe pse e dinin që ishte i pafajshëm. “Rasti im nuk ka is të jetë i njëjtë me atë të dikujt që shfajësohet nga testi i ADN-së. Si mund të vlejë jeta ime vetëm 750 mijë dollarë? Nuk duhet të ketë kurrë një tavan për jetën e një personi”.

Me paratë e marra deri tani, Long ka blerë një makinë Cadillac dhe me bashkëshorten po planifikon të blejë një shtëpi.