Fushatë në ajër?

“Po përgatisim një “backup” kontrollorësh”, Peleshi zbulon në “Absolut 4” masat që po merren për ngërçin në aeroport

Ministri i Mbrojtjes, Niko Peleshi, në një lidhje direkte me studion e “Absolut 4” në A2, u shpreh se kriza e aeroportit “Nënë Tereza” është menaxhuar “në mënyrë shumë të mirë”, duke zbuluar edhe masat që po merren për të bërë të mundur që ajo që ndodhi të mos përsëritet më.

“Kriza është menaxhuar në mënyrë shumë të mirë, pasi u realizua hapja e fluturimeve esenciale në kohë shumë të shpejtë, ndërsa nesër nisin të gjitha llojet e fluturimeve. Mësimi që nxorëm këtë herë është që duhet të jemi më të përgatitur me një “backup” kontrollorësh. Po e them sot për herë të parë që po shohim databëzën e kapaciteteve tona, me njerëzit që kanë një formim fillestar për të dhënë këtë lloj shërbimi, për të ndërtuar një “backup” kontrollorësh. Nuk jemi ne vendi i parë që nuk arrijmë të parandalojmë dot diçka të tillë, për më tepër që ishte një grevë e paligjshme”, deklaroi Peleshi. (për më shumë)

“Emergjencë civile”, Peleshi: Nuk ka asnjë kontrollor të FA të licensuar për Aviacionin Civil

Nuk ka asnjë kontrollor nga Forcat e Armatosura të licensuar për Aviacionin Civil. Këtë konfirmoi në studion e “Absolut 4” ministri i Mbrojtjes Niko Peleshi. Ai tha se nuk është në dijeni se cilët janë kontrollorët, pasi ka ngarkuar ministren e Infrastrukturës dhe Energjisë për të kryer sa më shpejt veprimet e duhura në këtë emergjencë civile, siç e cilësoi ai dhe për të zëvendësuar kontrollorët. Në orët e vona të mbrëmjes së djeshme Peleshi theksoi se dje ka mbledhur Komitetin e Mbrojtjes Civile për këtë çështje. (për më shumë)

Duma: Administrata është fryrë në dy muajt e fundit për fushatë

Grida Duma, kandidate për deputete e Partisë Demokratike, deklaroi në një lidhje direkte me studion e “Absolut 4” në A2, se po përdoret administrata për të fituar vota, duke u fryrë në dy muajt e fundit.

“Është fryrë administrata në dy muajt e fundit. Ky është trend, përdorimi i administratës për të fituar vota. Keqardhja ime e madhe është që e fryjnë atje ku nuk japin shërbime dhe heqin mësues dhe psikologë, që i ka të nevojshëm komuniteti”, tha Duma.

“Për ta bërë populiste çështjen elektorale, zgjerohen nëpër ujësjellësa dhe ndërmarrje ku nuk ka shërbime. Në bashkitë e vogla është shkatërruar mundësia që pushteti dhe shteti të kenë institucione pranë qytetarëve”, shtoi Duma. (për më shumë)

Haxhinasto: Situata në Rinas mund të ishte parandaluar, duhet hetim i plotë

Nëse do kishte vullnet e përgjegjshmëri më të lartë situata e bllokimit të fluturimeve në Rinas nuk do të kishte ndodhur. Kështu u shpreh kandidati për deputet  i LSI-së Edmond Haxhinasto në studion e “Absolut 4”. Sipas tij për këtë ngjarje duhet bërë një hetim i plotë për të analizuar të gjitha arsyet që situata të tilla të mos ndodhin më.

“Padiskutim që do kishte zgjidhje tjetër, nëse do kishte vullnet e përgjegjshmëri më të lartë kjo çështje nuk do ishte krijuar. Unë mendoj se është më komplekse se pagesat, por çdo interpretim publik është i pavlerë. Duhet bërë një hetim i plotë dhe për të analizuar gjithë arsyet dhe hetimi i performancës së Albcontrol dhe ka ndikuar e ndikon në imazhin e vendit. Është çështje e sigurisë kombëtare. Si ky pretendim ka edhe të tjera dhe duhet të jetë një rast ku bëhet hetim i thellë pasi pretendohet se ka parregullsi të mëdha. Hetimi është i nevojshëm për të parë shkaqet që të mos të ndodhë më”. (për më shumë)

Zgjedhjet e 25 prillit, Haxhinasto: Rezultati i LSI do të tejkalojë rezultatin e 2017

Kandidati i LSI për zgjedhjet e 25 prillit Edmond Haxhinasto u shpreh optimist që LSI do të ketë rezultat më të mirë se në zgjedhjet e 2017-ës. Në studion e “Absolut 4” ai tha se LSI ka program konkret dhe të prekshëm për të gjithë qytetarët

“Rezultati i LSI do jetë përtej rezultatit të 2017-ës. Këtë do ta tregojnë qytetarët ne jemi optimistë. Shohim pakënaqësitë ndaj keqqeverisjes që vjen si mbështetje për LSI, pasi ka bërë një ofertë politike me programin e saj konkret dhe të prekshëm për jetën e qytetarëve dhe adreson problemet e mëdha që ka vendi. Unë e shoh si një garë të hapur dhe mundësi për çdo kandidat për të treguar sa e ka peshën brenda siglës së partisë. Kërkohet vota për forcën politike dhe secili kërkon votë për veten e tij dhe besoj që qytetarët do të japin mbështetjen specifike për çdo kandidat”. (për më shumë)

A do t’i bashkojë LSI-ja votat me PS-në? Haxhinasto përgjigjet në “Absolut 4”

Edmond Haxhinasto, kandidat për deputet i LSI-së në zgjedhjet e 25 Prillit, u pyet në “Absolut 4” nëse LSI-ja do t’i bashkojë votat me Partinë Socialiste, në rast se pas zgjedhjeve, PS-ja nuk merr dot votat e mjaftueshme për të krijuar e vetme qeverinë, por merr më shumë sesa Partia Demokratike.

“Është një pyetje që e respektoj. Edhe pse duket sikur jemi në një situatë ku koalicioni i ardhshëm paszgjedhor do të jetë në varësi të rezultatit, nuk është kështu. Ne kemi një opozitë solide. Nuk do të presim rezultatin e PS-së për të krijuar një koalicion të ri”, tha prerë Haxhinasto. (për më shumë)