“Duam të luajmë kush e ka beben më të madhe?”, nëna prezanton të porsalindurin “gjigant”

Një nënë ka postuar në rrjetet sociale videon e të porsalindurit të saj buçko që peshon 6.4 kg, peshë që është afërisht dy herë më e madhe nga mesatarja e të porsalindurve të tjerë.

Përdoruesja e TikTok me emrin @shans1588 tregoi historinë e saj të pabesueshme të lindjes javën e kaluar ndërsa iu përgjigj një “loje” që u kërkonte prindërve të ndanin peshën e foshnjës së tyre më të madhe, për të parë se kush kishte fëmijën më të rëndë.

“Duam të luajmë kush ka beben më të madhe? Fitoj unë ”, tha ajo në fillim të videos së saj virale, e cila është parë më shumë se 29 milionë herë.