Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Aeroporti i Kukësit me certifikatë sigurie, fluturimet ndërkombëtare çështje kohe

Nga A2 CNN
19 Prill 2021, 21:22 | Ekonomi

Drejtori për sigurinë e fluturimeve në Aviacionin Civil, Feliks Baci, shpjegon arsyet se pse fluturimi i parë zyrtar drejt aeroportit të Kukësit u bë nga Tirana dhe jo nga Londra siç ishte premtuar.

 “Arsyeja sepse fluturimi i parë nuk ishte direkt ishte sepse pas certifikimit duhet një informacion në organizmat ndërkombëtare dhe kompanive ajrore”, tha ai për A2.  

Sipas Bacit, aeroporti i Kukësit i plotëson të gjitha kriteret e sigurisë, pasi në të kundërt fluturimi i ditës së diel nuk do të ishte zhvilluar.

Feliks Baci

 “Kryeministër në bordin e avionit është piloti, ai nuk do ë ulej kurrë po mos të ishin të gjitha standardet”, vijon Baci.

Eksperti për aviacionin civil shprehet se leverdishmëria ekonomike e këtij aeroporti nuk do të përcaktohet vetëm nga lidhja me linjat ajrore low-cost, por edhe nga sa do të arrijë të integrohet në strukturën ekonomike të zonës.

Destinacionet e para që pritet të nisin fluturimet nga Kukësi janë drejt Londrës, Veriut të Italisë, Gjermanisë dhe Zvicrës.

A2 CNN Livestream

Dita jonë