Incident gjatë numërimit të votave në Durrës, qëllohet me shishe Ferdinand Xhaferri

Një incident është regjistruar gjatë procesit të numërimit të votave në pallatin e sportit “Ramazan Njala” në qytetin e Durrësit.

Ndërkohë që mbështetësit e PS festonin fitoren votë pas vote, kreu i PD të Durrësit, Ferdinand Xhaferri është afruar pranë ish kryebashkiakut Vangjush Dako dhe i ka thënë “të lumtë”.

Në atë moment disa nga mbështetësit e Dakos kanë hedhur shishe e bidona me ujë në drejtim të Xhaferrit.